belbalady.net علق المستشار محمود العسال المستشار القانونى لنادى الزمالك على الاوضاع الحاليه فى نادى الزمالك بصفه عامة، مدافعاً عن مجلس الادارة الحالى برئاسة مرتضى منصور.
وعبر صفحته الشخصية على موقع التواصل الاجتماعى فيس بوك كتب محمود العسال قائلاً :
طب بذمتكم وعايز الحق .
مجلس المستشار مرتضى بقاله سنة شغال فى نادى الزمالك..صح كده.
طيب بعد شهرين تلاتة اتحكم ضده فى قضايا الخطيب مرة سنة مع الايقاف ومرة حبس شهر .
بعد شهرين تانى اترفع ضده قضايا بحل مجلسه من هانى شكرى ومصطفى عبد الخالق وممدوح عباس وبعض الاشخاص الآخرين المحسوبين على الزمالك.
بعد شهرين كمان اتحجز على مبلغ سبعين مليون جنيه من السيد ممدوح عباس .
طيب نخلص لا طبعا ازاى نخلص.
ازاى مرتضى منصور يتصرف ويجيب فلوس ويشترى لاعيبة فى فترة الانتقالات الشتوية هو الحجز مأثرش فيه.
لا كده مينفعش لازم نمنع قيد الصفقات والملايين اللى عرف يجبها واشترى لاعيبة بيها تترمى ويبلها ويشربها مش هنقيد خللى الناس المتزملكة تطلع تشتم وتقضى عليه .
حروب الجيل الخامس هدمرك من شعبك..احنا اتحاد الكرة احنا المتزملكين مرتضى مين وزمالك مين.
الحكاية بإختصار اى حد شايف غير الواقع ده ويقول أصل مرتضى قال أصل مرتضى سوا يبقى عليه العوض فى الزمالك .
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" الزمالك اليوم "
